ده‌نگ نێت

 

60 گوندى دوره‌ده‌ستى گه‌رمیان هیچ سه‌رچاوه‌یه‌كى ئاویان نیه‌ و به‌ڕێوبه‌رى ئاوى ده‌وروبه‌رى گه‌رمیانیش ده‌ڵێت: تا ئێستا هیچ چارسه‌رێكیان بۆ نه‌كراوه‌.

 

نه‌وزاد حه‌مید، به‌ڕێوبه‌رى به‌ڕێوبه‌رایه‌تى ئاوى ده‌وروبه‌رى گه‌رمیان له‌مباره‌یه‌وه‌ به‌ رادیۆى ده‌نگى راگه‌یاند: "ئه‌و گوندانه‌ى كه‌ هیچ سه‌رچاوه‌یه‌كى ئاویان نیه‌ چ سه‌ر زه‌وى چ ژێر زه‌وى ژماره‌یان له‌ نێوان 50 بۆ 60 گونده‌، ده‌كه‌ونه‌ ناحیه‌كانى شێخ ته‌ویل و ئاوه‌سپى و نه‌وجول و قۆره‌تو".

 

به‌پێى لێدوانێكى پێشوترى به‌ڕێوبه‌رى ئاوى ده‌وروبه‌رى گه‌رمیان بۆ رادیۆى ده‌نگ، باسى له‌وه‌كرد كه‌ ده‌رخسته‌یان داوه‌ به‌ وه‌زاره‌ت بۆ چاره‌سه‌ركردنى ئه‌و گرفته‌ و به‌ ته‌نكه‌ر ئاو ببرێت بۆ ئه‌و گوندانه‌.

 

نه‌وزارد حه‌مید، وتیشى: تا ئێستا حكومه‌ت هیچى نه‌كردوه‌ بۆ چاره‌سه‌ركردنى ئه‌و گرفته‌.