دەنگ نێت

 

گروپی مۆسیقای قەڵای شێروانە، کۆنسێرتێک لە کەلار ئەنجام دەدات و داھاتەکەی رادەستی نەخۆشخانەی ھیوای تایبەت بە شیرپەنجە دەکات.

 

لە راگەیەنراوێکدا گروپەکە ئاشکرای کردوە: گروپی مۆسیقای قەڵای شێروانە کە سەر بە بەڕێوبەرایەتی ڕۆشنبیری گەرمیانین، خۆڕسکانە هەڵدەسین بە سازدانی کۆنسێرتێکی هونەری، داهاتی کۆنسێرتەکە دەبەخشینە نەخۆشخانەی هیوا.

 

محەمەد لوقمان، سەرپەرشتیاری گروپەکە، لەوبارەوە رایگەیاندوە: وەکو گەرمیان دەمانەوێت دەنگێکی گەورە و زەنگێکی سەرەتا بین لەم دۆخەی نەخۆشخانەی هیوا دا و تروسکایی گەڕانەوەی هیوای هیوا بڕواکان بین.

 

داواش لە کاربەدەستانی حزبی و حوکمی و خەڵکی و کەسانی رۆشنبیر دەکات، زۆرترینیان بەشداریی کۆنسێرتەکە بکەن بۆ ئەوەی وەکخۆی دەیڵێت: 'پێشەنگ و  زەنگێکی گەورە بین بۆ بە هاناوەچونی توشبوانی شێرپەنجە'.

 

کۆنسێرتەکەی گروپی قەڵای شێروانە، بڕیارە ئێوارانی رۆژی ٢٩ی ئەم مانگە و رۆژانی دوایی لە ھۆڵی ھونەر لە کەلار بەڕێوەبچێت و بلیتیش لە کافتریا و چایخانەی میلەت دەستدەکەوێت.