ده‌نگ نێت

 

تا ئێستا به‌شى مناڵانى نه‌به‌كام له‌ نه‌خۆشخانه‌كانى سنورى گه‌رمیاندا نیه‌ و به‌ڕێوبه‌رى گشتى ته‌ندروستى گه‌رمیان ده‌ڵێت: بۆ كردنه‌وه‌ى ئه‌و به‌شه‌ پێویستمان به‌ پزیشكى نیشته‌جێى دیرین و پزیشكى پسپۆرى مناڵان هه‌یه‌.

 

د.سیروان محه‌مه‌د، به‌ڕێوبه‌رى گشتى ته‌ندروستى گه‌رمیان به‌ رادیۆى ده‌نگ وت: "بۆ كردنه‌وه‌ى به‌شى مناڵانى نه‌به‌كام له‌ گه‌رمیان ئامێر و پێداویستى و شوێنى تایبه‌ت و په‌رستاریش ته‌رخان كراوه‌، به‌ڵام به‌هۆى نه‌بونى پزیشكى نیشته‌جێى دێرین و كه‌مى پزیشكى پسپۆڕى مناڵان وایكردوه‌ ئه‌و به‌شه‌ كردنه‌وه‌ى دوابكه‌وێت".

 

وتیشى: چه‌ندین جار داوامان كردوه‌ چ له‌ رێگه‌ى نوسراوه‌بێت چ له‌ كۆبونه‌وه‌ى وه‌زاره‌تمان ته‌نانه‌ت له‌ كابینه‌ى هه‌شتى حكومه‌تى هه‌رێم باسیش له‌م بابه‌ته‌ كراوه‌، به‌ڵام تاوه‌كو ئێستا هیچ نه‌كراوه‌.