دەنگ نێت

 

بڕیارە سبەینێ سێشەمە جێگری سەرپەرشتیاری ئیدارەی گەرمیان لە پشکی بزوتنەوەی گۆڕان دەستبەکار بێت.

 

بەگوێرەی ئاگانامەیەکی ئیدارەی گەرمیان، سبەی رامیار عەبدولڕەحمان، وەکو جێگری سەرپەرشتیاری ئیدارەی گەرمیان دەستبەکار دەبێت.

 

رامیار عەبدولڕەحمان، لەپاش رێکەوتنی یەکێتی و لایەنەکانی دیکە بۆ دابەشکردنی پۆستەکانی سنوری سلێمانی، ماوەی زیاتر لە پێنج ساڵە وەکو بەڕێوبەری ناحیە لە پشکی بزوتنەوەی گۆڕان دەستبەکار بوە و لەم ماوەیەدا لەھەردو ناحیەی شێخ تەویلی سەر بە کەلار و سەرقەڵای سەر بە کفری بەڕێوبەری ناحیە بوە.

 

بەم پۆستە نوێیەوە، بزوتنەوەی گۆڕان لە حکومەتی خۆجێی گەرمیان، خاوەنی ٨ پۆستی بەڕێوبەری گشتی و قایمقام و بەڕێوبەر و بەڕێوبەری ناحیەیە.