ده‌نگ نێت

 

به‌ڕێوبه‌رى ئاوى كه‌لار ده‌ڵێت: هاوشێوه‌ى مانگه‌كانى رابردو پرۆسه‌ى دابه‌شكردنى ئاو به‌رده‌وام ده‌بێت و گرفتێك نیه‌ له‌ ئێستادا.

 

قه‌زاى كه‌لار پشت به‌ دو سه‌رچاوه‌ى ئاو ده‌به‌ستێت به‌ جۆرێك له‌ %60ى له‌سه‌ر روبارى سیروانه‌ و له‌ %40ى له‌سه‌ر بیرى ئیرتیوازییه‌، به‌ڕێوبه‌رى ئاوى كه‌لاریش ده‌ڵێت گرفتێكمان نیه‌و شێوازى دابه‌شكردنى ئاو وه‌ك مانگه‌كانى رابردوه‌.

 

سامان ره‌حیم، به‌ڕێوبه‌رى ئاوى كه‌لار به‌ رادیۆى ده‌نگى وت: "پرۆسه‌ى دابه‌شكردنى ئاو له‌ كه‌لار وه‌ك مانگه‌كانى رابردو به‌رده‌وام ده‌بێت، چونكه‌ چه‌ند كارێك كراوه‌ له‌ چاكسازى پاڵاوگه‌ى وه‌رگرى ئاو".

 

وتیشى: هاوڵاتیان دڵنیا ده‌كه‌ینه‌وه‌ كه‌ ئه‌گه‌ر دۆخه‌كه‌ وه‌ك ئێستا بێت گرفتى كه‌م ئاوى رونادات له‌ سنوره‌كه‌، هاوكات داواى له‌ هاوڵاتیان كرد كه‌ هاوكارییان بن بۆ ئه‌و ماڵانه‌ى كه‌ قۆفڵ له‌سه‌ر بۆرى ئاوه‌كانیان نیه‌ بۆى دابنین بۆ ئه‌وه‌ى ئاو به‌فیڕ نه‌ڕوات.