ده‌نگ نێت

 

جێگرى سه‌رپه‌رشتیارى ئیداره‌ى گه‌رمیان كه‌ ماوه‌ى چه‌ند رۆژێكه‌ له‌ پۆسته‌ نوێیه‌كه‌ى ده‌ستبه‌كاربوه‌ هاوكات وه‌ك بەڕێوبەری ناحیەی رزگاریش ماوه‌ته‌وه‌ و له‌ ئێستا دو پۆستى هه‌یه‌ و ده‌ستى له‌ پۆستى پێشوى نه‌كێشاوه‌ته‌وه‌.

 

عەباس ئەنوەر، وتەبێژی ئیدارەی گەرمیان بە رادیۆی دەنگی راگەیاند: دوای دەستبەکاربونی سروە محه‌مه‌د، وەک جێگری سەرپەرشتیاری ئیدارەی گەرمیان، هیچ كه‌سێك بۆ بەرێوبه‌رى ناحیەی رزگاری دیاری نەکراوە.

 

باسی لەوەشکرد: ناوبراو وەکو بەڕێوبەری ناحیەکە دەمێنیەتەوە تا دیاریکردنی کەسێک بۆ وەرگرتنی ئەو پۆستە، بە شێوەی وەکالەت بەڕێوبەری ناحیەی پێباز لە شوێنی دانراوە و دەستبەکار بوە.

 

له‌باره‌ى واده‌ى دیاریكردنى به‌ڕێوبه‌رى نوێ بۆ ناحیه‌كه‌ وته‌بێژى ئیداره‌ى گه‌رمیان ئاماژه‌ى به‌ هیچ واده‌یه‌ك نه‌كرد.