ده‌نگ نێت

 

پاش به‌رزبونه‌وه‌ى نرخى دۆلار قیستى پرۆژه‌كانى نیشته‌جێبون كه‌ به‌ دۆلار ده‌درا له‌سه‌ر به‌شدارانى پرۆژه‌كان زیادبوبو، به‌ڕێوبه‌رى وه‌به‌رهێنانى گه‌رمیان ده‌ڵێت قیسته‌كان به‌ نرخى پێشوى دۆلار داده‌نرێت و ده‌كرێته‌ دینار.

 

هونه‌ر مه‌حمود، به‌ڕێوبه‌رى وه‌به‌رهێنانى گه‌رمیان به‌ رادیۆى ده‌نگى راگه‌یاند: له‌گه‌ڵ ده‌سته‌ى وه‌به‌رهێنان گه‌یشتونه‌ته‌ رێككه‌وتن و بڕیار له‌ باره‌ى كه‌مكردنه‌وه‌ى قیستى پڕۆژه‌كانه‌وه‌ دراوه‌.

 

وتیشى: قیستى پرۆژه‌كان به‌ نرخى ئه‌وكاتى دۆلار داده‌نرێت و ده‌كرێته‌ دینار ئه‌و جیاوازییه‌ى له‌ نرخى ئێستا و پێشترى دۆلاره‌كه‌ ده‌مێنێته‌وه‌ ده‌كه‌وێته‌ كۆتایی قیسته‌كانه‌وه‌.

 

به‌ڕێوبه‌رى وه‌به‌رهێنانى گه‌رمیان، ئه‌وه‌شى وت: كه‌ له‌گه‌ڵ سه‌ندیكا و كۆمپانیاكان داده‌نیشین و له‌گه‌ڵ رێكده‌كه‌وین كه‌ جگه‌ له‌و گۆڕِانكارییه‌ى له‌ نرخى دۆلاردا ده‌كرێت قیسته‌كانیش كه‌م بكه‌ینه‌وه‌.