ده‌نگ نێت

 

پڕۆژه‌ى گه‌یاندنى ئاو له‌ روبارى سیروانه‌وه‌ بۆ ده‌شته‌كانى قه‌زاى كه‌لار به‌وته‌ى به‌ڕێوبه‌رى ئاودێرى گه‌رمیان شكستى نه‌هێناوه‌ و ده‌ڵێت كاره‌كانى راگیراوه‌.

 

ماوه‌ى چه‌ند ساڵی پێشتر له‌ رێگه‌ى جێبه‌جێكردنى پرۆژه‌كه‌یه‌وه‌ بڕیاربو ئاوى روبارى سیروان بگوازرێته‌وه‌ بۆ ده‌شتى كه‌لار و سودى كشتوكاڵى و ئاودێرى لێ ببینرێت، به‌ڵام پرۆژه‌كه‌ نه‌گه‌یشته‌ ئه‌نجام و ته‌واو نه‌كرا.

 

موئه‌یه‌د ئه‌حمه‌د، به‌ڕێوبه‌رى به‌ڕێوبه‌رایه‌تى ئاودێرى گه‌رمیان، له‌مباره‌یه‌وه‌ به‌ رادیۆى ده‌نگى راگه‌یاند: "پرۆژه‌ى پاڵدانى ئاوى كه‌لار فه‌شه‌لى نه‌هێناوه‌، به‌ڵكو له‌ ئێستادا راگیراوه‌ و گرفت له‌ سه‌رچاوه‌كه‌یدایه‌ و حه‌وزه‌كانى ئاوى تێدا نیه‌، سه‌ربارى كه‌مبونه‌وه‌ى ئاوى روباری سیروانیش".

 

وتیشى: ئه‌و پرۆژه‌یه‌ یه‌كێكه‌ له‌ پرۆژه‌كانى وه‌زاره‌تى كشتوكاڵ و له‌ ئێستادا نوسراومان ئاراسته‌ى وه‌زاره‌تى دارایی كردوه‌ پاره‌مان بۆ خه‌رج بكات تاوه‌كو سه‌رچاوه‌كانى چاك بكه‌ین و دوباره‌ ده‌ست به‌ كاركردن ده‌كاته‌وه‌.