ده‌نگ نێت

 

دادوەری پێشوی دادگای لێکۆڵینەوەی قۆرەتو کە لە ماوەکانی پێشودا دادبینی ژمارەیەک دۆسیەی گەندەڵی کرد، وەکو سەرۆکی دادگای بەرایی کەلار دەستبەکار بو.

 

بە پێی زانیاریەکانی رادیۆی دەنگ، دادوەر: عەبدولئەمیر جومعە، لە ھەفتەی پێشوەوە لەلایەن دادگای پێداچونەوەی کەرکوک/گەرمیان، کراوە بە سەرۆکی دادگای بەرایی کەلار و بەمپێیەش سەرپەرشتی دادگاکە بە گشتی دەکات.

 

دادوەر عەبدولئەمیر جومعە، پێشتر دادوەری لێکۆڵینەوەی قۆرەتو بو، کە دادبینیکرد بۆ ژمارەیەک دۆسیەی گەندەڵی و بەھەدەردانی داھاتی گشتی و تەزویر لە مامەڵە فەرمیەکان و ژمارەیەک بەڕێوبەر و بەرپرسی حکومی بەوھۆیەوە راگرت و خستە زیندان.

 

لە چەند مانگی رابردوشدا لە دادگای قۆرەتوەوە گوازرایەوە بۆ کەلار و وەکو دادوەری کەتن و توندوتیژی خێزانی دەستبەکار بو.