ده‌نگ نێت

 

به‌ڕێوبه‌رى په‌روه‌رده‌ى گه‌رمیان ده‌ڵێت: سیسته‌مى خوێندنى ئۆنلاین ده‌ستى پێكردوه‌ و به‌شداریكردنى فێرخوازیش له‌ سیسته‌مه‌كه‌ نمره‌ى له‌سه‌ره‌.

 

دواى ئه‌وه‌ى به‌ هۆى رێكاره‌كانى روبه‌ڕوبنه‌وه‌ى ڤایرۆسى كۆرۆنا، وه‌زاره‌تى په‌روه‌رده‌ بریارى دا له‌ 17ى ئه‌م مانگه‌وه‌ سیسته‌مى خوێندن به‌ ئۆنلاین بێت، به‌ڕێوبه‌رى په‌روه‌رده‌ى گه‌رمیان ده‌ڵێت: سیسته‌مه‌كه‌ ده‌ستى پێكردوه‌ و هه‌ر فێرخوازێكیش به‌شدارى سیسته‌مه‌كه‌ نه‌بێت ئه‌وا هه‌لى ده‌رچونى له‌و قۆناغه‌ له‌ده‌ست ده‌دات.

 

دارا ئه‌حمه‌د، به‌ڕێوبرى گشتى په‌روه‌رده‌ى گه‌رمیان له‌مباره‌یه‌وه‌ به‌ رادیۆى ده‌نگى وت: "سیسته‌مى خوێندنى ئۆنلاین ده‌ستى پێكردوه‌،‌ پێویسته‌ فێرخواز به‌شدار بێت له‌ تاقیكردنه‌وه‌كان و‌ به‌شدارى كردنیش نمره‌ى له‌سه‌ره‌.

 

وتیشى: هه‌ر فێرخوازێك به‌شدارى سیسته‌مه‌كه‌ نه‌بێت ئه‌وا ئه‌نجامى بڕینى ئه‌و قۆناغه‌ى‌ نیه‌ كه‌ تێدایه‌.