ده‌نگ نێت

 

به‌‌ڕێوبه‌رى نه‌خشه‌دانانى گه‌رمیان ده‌ڵێت: نه‌خشه‌ى بنه‌ڕه‌تى سێ شاره‌وانی ته‌واو بوه،‌ به‌ڵام به‌هۆى كه‌مته‌رخه‌میینانه‌وه‌ هه‌ڵنه‌ستاون به‌ ته‌واوكردنى رێكاره‌ یاساییه‌كان بۆ ئه‌نجامدانى كارى پێویست.

 

كاروان محه‌مه‌د، به‌ڕێوبه‌رى به‌ڕێوبه‌رایه‌تى نه‌خشه‌دانان و ئاوه‌د‌انكردنه‌وه‌ى گه‌رمیان له‌مباره‌یه‌وه‌ به‌ رادیۆى ده‌نگى وت: "نه‌خشه‌ى سێ شوێن (گرده‌گۆزینه‌، ساڵح ئاغا، شێخ ته‌ویل)‌ ته‌واوبوه‌ و ماوه‌یه‌كى زۆره‌ له‌ شاره‌وانیه‌كان و شاره‌وانى په‌یوه‌ندیداره‌ به‌هۆى كێشه‌ى هاولاتیان و كۆرۆناوه‌ دواكه‌وتوه‌".

 

وتیشى: هه‌ندێك له‌ شاره‌وانیه‌كان تۆمه‌ت ئاراسته‌ى ئێمه‌ ده‌كه‌ن كه‌ كه‌مته‌رخه‌م بوین، له‌ كاتێكدا ئێمه‌ ته‌واومان كردوه‌ و نوسراومان ئاراسته‌ى ئیداره‌ى گه‌رمیان كردوه‌ لیژنه‌یه‌ك پێكبهێنێت كه‌ لایه‌نى كه‌مته‌رخه‌م ده‌ستنیشان بكات كه‌‌ هه‌ڵنه‌ستاوه‌ به‌ ئه‌نجامدانى كاره‌كانى له‌ ماوه‌ى یاساى خۆیدا.