ده‌نگ نێت

 

له‌ قه‌زاى كفرى به‌هۆى ته‌قه‌كردن له‌ ماڵى هاوڵاتیه‌ك ئاسایش دو تۆمه‌تبارى ده‌ستگیر كردوه‌ كه‌ باوك و كورێكن.

 

عوسمان عه‌بدلكه‌ریم، وته‌بێژى ئاسایشى گه‌رمیان به‌رادیۆى ده‌نگى راگه‌یاند: نیوه‌رۆى ئه‌مڕۆ  له‌ لایه‌ن باوك كوڕێكه‌وه‌ به‌هۆى كێشه‌یه‌كى كۆمه‌ڵایه‌تیه‌وه‌ ته‌قه‌یان له‌ ماڵى هاوڵاتیه‌ك كردوه‌ و هاوڵاتیه‌كه‌یان بریندار كردوه‌.

 

ئاماژه‌ى به‌وه‌شكرد:پاش روداوه‌كه‌ ئاسایشى كفرى دو تۆمه‌تباریان به‌ ناوه‌كانى (محه‌مه‌د و ئه‌نوه‌ر) ده‌ستگیر كردوه‌ و ده‌ستیان گرتوه‌ به‌سه‌ر چه‌كێكى كڵاشینكۆفدا له‌گه‌ڵ ئۆتۆمبێلێكى جۆرى سه‌نى كه‌ تاوانه‌كه‌یان پێ ئه‌نجامداوه‌.

 

عوسمان عه‌بدلكه‌ریم، لەسەر بڕیاری بەڕێز دادوەری لێکۆڵینەوە هەردو تۆمەتبار بە پێی مادەی 31/405 لە یاسای سزادان راگیراون و دواتر بە پێی تایبەتمەندی تاوانەکەیان هەردو تۆمەتبار لە گەڵ چەک و یٔۆتۆمبیلەکەدا ڕەوانەی بەڕێوەبەرێتی پۆلیسی کفری کران.