ده‌نگ نێت

 

رۆژنامه‌نوسێك رایده‌گه‌یه‌نێت سه‌رپه‌رشتیاری ئیداره‌ى گه‌رمیان له‌به‌رده‌م تاقیكردنه‌وه‌یه‌كى گه‌وره‌دایه‌، به‌هۆی ئه‌و هه‌مو سه‌رپێچی و كاره‌ نایاسایی و تاڵانیه‌ى له‌ سنوره‌كه‌دا ده‌كرێت.

 

دڵشاد ئه‌نوه‌ر، له‌ بابه‌تێكدا كه‌ له‌ هه‌ژمارى خۆی له‌ فه‌یسبوك بڵاویكردوه‌ته‌وه‌، نوسیویه‌تى: جه‌لال شێخ نوری، سه‌رپه‌رشتیاری ئیداره‌ى گه‌رمیان له‌و رۆژه‌وه‌ى ده‌ستبه‌كار بوه‌ له‌به‌رده‌م تاقیكردنه‌وه‌یه‌.

 

هۆكارى ئه‌مه‌ش ده‌گه‌ڕێنێته‌وه‌ بۆ بونى ژماره‌یه‌كى زۆر كارى نایاسایی و سه‌رپێچی كه‌ له‌ سنوره‌كه‌دا ده‌كرێت، له‌وانه‌ وه‌كخۆی ئاماژه‌ى بۆ داوه‌،  له‌بوارى وه‌به‌رهێنان دا چی دز هه‌یه‌ پرۆژه‌ دێنێته‌وه‌ به‌ واسته‌ و پاره‌شی پێنیه‌، هه‌روه‌ها ته‌جاوز له‌ لوتكه‌ دایه‌، هه‌روه‌ها لقی پارتى و مه‌ڵبه‌ندى یه‌كێتى به‌ سود وه‌رگرتن له‌ باره‌گاكانیان ته‌جاوز ده‌كه‌ن.

 

ده‌شپرسێت: سه‌رپه‌رشتیاری ئیداره‌ى گه‌رمیان له‌م هه‌مو گه‌نده‌ڵی و سه‌رپێچیه‌دا له‌كوێیه‌؟