ده‌نگ نێت

 

وته‌بێژى ئاسایشى گه‌رمیان ده‌ڵێت: به‌ تۆمه‌تى كوشتى ژنێك له‌ قه‌زاى كفرى 5 كه‌س ده‌ستگیركراوه‌.

 

ئێواره‌ى رۆژى 27ى ئه‌م مانگه‌ پۆلیسى گه‌رمیان رایگه‌یاند لە گوندی چەوری، قەزای کفری برایه‌ك به‌ فیشه‌ك خوشکێکی دەکوژێت کە هاوسەرگیری کردوەو دایکی دو مناڵە.‏

 

عوسمان عه‌بدولكه‌ریم، وته‌بێژى به‌ڕێوبه‌رایه‌تى ئاسایشى گه‌رمیان له‌مباره‌یه‌وه‌ به‌ رادیۆى ده‌نگى راگه‌یاند: "به‌ تۆمه‌تى كوشتنى ژنێك له‌ قه‌زاى كفرى به‌ فه‌رمانى دادوه‌ر و به‌پێى ماده‌ى406، 5 كه‌س ده‌ستگیركراون، جگه‌ له‌ تۆمه‌تبارى سه‌ره‌كى سێ له‌ ده‌ستگیركراوه‌كان برا و باوك و مێردى ژنه‌كه‌ن‌، تۆمه‌تبارى سه‌ره‌كى له‌ كاتى  لێكۆڵینه‌وه‌دا دانى به‌وه‌دا ناوه‌".

 

باسى له‌وه‌شكرد: یه‌كێكى دیكه‌ له‌ ده‌ستگیركراوه‌كان كه‌ هاوكارى تۆمه‌تبارى سه‌ره‌كى بوه‌ له‌ داڵده‌دانى له‌ ناحیه‌ى كۆكس به‌پێى ماده‌ى 273 ده‌ستگیركراوه‌.