له‌سه‌ر رێگاى پشتێنه‌ى كه‌لار زەویەکی شارەوانی كه‌لار ته‌لبه‌ند كراوه‌ و سه‌رۆكى شاره‌وانى كه‌لاریش ده‌ڵێت دراوه‌ته‌ مه‌ڵبه‌ندى گه‌رمیانى یه‌كێتى.

 

له‌سه‌ر رێگاى پشتێنه‌ى كه‌لار و نزیك به‌ گه‌ڕه‌كى ئاواره‌كان روبه‌رێكى زۆرى زه‌وى ته‌لبه‌ند كراوه‌ و كابینه‌ى تێدا دانراوه‌، ده‌وترێت ده‌كرێته‌ مه‌ڵبه‌ندى گه‌رمیانى یه‌كێتى له‌ كاتێكدا كه‌ هه‌مان مه‌ڵبه‌ند له‌ ئێستادا له‌ بینایه‌كدایه‌ كه‌له‌سه‌ر زه‌وى كشتوكاڵى دروستكراوه‌.

 

ئه‌كره‌م ساڵح، سه‌رۆكى شاره‌وانى كه‌لار به‌ رادیۆى ده‌نگى وت: كه‌ ئه‌و زه‌ویه‌یان داوه‌ته‌ یه‌كێتى بۆ دروستكردنى مه‌ڵبه‌ند.

 

له‌باره‌ى شێوازى پێدانى زه‌ویه‌كه‌وه‌ سه‌رۆكى شاره‌وانى كه‌لار، ئاماژه‌ى به‌وه‌كرد: به‌ كرێی ساڵانه‌ پێیان دراوه‌.