ده‌نگ نێت

 

به‌رێوبه‌رى نوسینگه‌ى مافى مرۆڤى گه‌رمیان، هۆشداری دەدات له‌وه‌ى لەسەرەتای ئەمساڵەوە لە گەرمیان حاڵەتەکانی کوشتن و خۆکوشتن زیادى کردوە.

 

حه‌یده‌ر فازڵ، بەڕێوبەری نوسینگەی مافی مرۆفی گەرمیان، لە پەڕەی خۆی لە تۆڕی کۆمەڵایەتی فه‌یسبوك بڵاویکردۆتەوە: "روداوەکانی کوشتن و خۆکوشتن لە سەره‌تای ئەمساڵەوە لە گەرمیان مایەی نیگەرانیە  و زیادیان کردوە".

 

ئاماژەی بەوەشکردوه‌: سەرەڕای ناهەمواری بارودۆخی سیاسی و ئابوری لە هەرێمی کوردستان، بەڵام هیچ پاساوێک نیە بۆ ئەوەی بیر لە کوشتنی کەسێک یان خۆکوشتن بکرێتەوە.

 

له‌ ماوه‌ى چه‌ند رۆژی پێشودا له‌ گه‌رمیان ته‌رمى مێردمناڵێك دۆزرایه‌وه‌ و هاوكات دوێنیش له‌ نێو گرتوخانه‌ى گه‌رمیان كه‌سێك به‌ ته‌زوى كاره‌با كۆتایى به‌ ژیانى خۆى هێنا.