ده‌نگ نێت

 

به‌ پێی رێككه‌وتنى نێوان یه‌كێتى و گۆڕان بۆ دابه‌شكردنى پۆسته‌كانى سنورى گه‌رمیان گۆران پۆستى جێگرى به‌رێوبه‌رى گشتى شاره‌وانیه‌كانى گه‌رمیان وه‌رده‌گرێت.

 

ساڵح میروه‌یس، وته‌بێژى مه‌كۆى كه‌لارى بزوتنه‌وه‌ى گۆران به‌ رادیۆى ده‌نگى راگه‌یاند: له‌گه‌ڵ یه‌كێتى رێككه‌وتون له‌باره‌ى وه‌رگرتنى پۆستى جێگرى به‌ڕێوبه‌رى گشتى شاره‌وانیه‌كانى گه‌رمیان.

 

ئاماژه‌ى به‌وه‌شكرد: ناوى كاندیدى پێشنیازكراویان بۆ وه‌رگرتنى پۆسته‌كه‌ به‌رزكردوه‌ته‌وه‌ و چاوه‌ڕێى فه‌رمانى ده‌ستبه‌كاربونه‌كه‌ى ده‌كه‌ن.

 

یه‌كێتى نیشتیمانى و بزوتنه‌وه‌ى گۆران له‌ ماوه‌ى پێشودا چه‌ندجارێك له‌باره‌ى ئاڵوگۆركردنى به‌شێك له‌ پۆسته‌كانى سنورى سلێمانى و ئیداره‌ى گه‌رمیان كۆبونه‌ته‌وه‌ و تا ئێستاش رێككه‌وتنه‌كه‌یان به‌ ته‌واوى یه‌كلانه‌كراوه‌ته‌وه‌.