ده‌نگ نێت

 

بەڕێوبەری گشتی تەندروستی گەرمیان دڵنیای ده‌دات له‌باره‌ى ئه‌و قوتابخانه‌یه‌ى كه‌لار كه‌ سێ فێرخوازى توشى كۆرۆنابون و ده‌ڵێت: ھیچ حاڵەتێکی دیکە تۆمارنەکراوە و رەوشەکە ئاساییە.

 

د. سیروان محەمەد، بەڕێوبەری گشتی تەندروستی گەرمیان، رایگه‌یاندوه‌: ھەمو رێکارە پێویستەکان بۆ مامەڵەکردن لەگەڵ حاڵەتەکە گیراوەتەبەر بە پشتبەستن بە رێنماییەکانی وەزارەتی تەندروستی، ھەروەک پشکنین بۆ ھەمو گومانلێکراوانی بەرکەوتەی خوێندکارەکان کراوە و ھیچ حاڵەتێکی دیکە تۆمارنەکراوە و رەوشەکە ئاساییە.

 

جەختیشیکردوەته‌وه‌: ھەروەک لە رێنماییەکانی وەزارەتی تەندروستی دا بۆ کردنەوەی قوتابخانەکان دا ھاتوە، پێویستە چ مامۆستایان و چ خوێندکارانیش رێکاری خۆپارێزیی تەواوەتی بگرنەبەر، بەتایبەتی لە بەستنی ماسک و دەستشۆردنی بەردەوام و پاراستنی ماوەی سەلامەتی نێوانیان.

 

به‌رێوبه‌رى ته‌ندروستى گه‌رمیان دڵنیاییشی داوه‌، دۆخەکە ئاساییە و مایەی مەترسیی نیە، بە پێچەوانەوە ھەر مەترسیەک ھەبێت ئەوان وەک تەندروستی دەستپێشخەریی دەکەن بۆ گرتنەبەری رێکاری پێویست.