له‌ قه‌زاى كه‌لار گه‌نجێك به‌ چه‌قۆ كارمه‌ندێكى ئاسایش و چه‌ند گه‌نجێكى تر بریندار ده‌كات، به‌رپرسێكى ئاسایشیش رایده‌گه‌یه‌نێت گه‌نجه‌كه‌ له‌ژێر كاریگه‌ریی ماده‌ى كحول دا بوه‌.

 

عوسمان عه‌بدولكه‌ریم، لێپرسراوى راگه‌یاندن و په‌یوه‌ندیه‌كانى ئاسایشی گه‌رمیان، هه‌واڵه‌كه‌ى بۆ رادیۆی ده‌نگ پشتڕاستكرده‌وه‌ و رایگه‌یاند: شه‌وى رابردو له‌ناو بازاڕى شاری كه‌لار، گه‌نجێك كه‌ له‌ ژێر كاریگه‌ری ماده‌ى كحول دا بوه‌، په‌لامارى چه‌ند گه‌نجێكى داوه‌ و به‌ چه‌قۆ دو گه‌نجی بریندار كردوه‌.

 

رونیشیكرده‌وه‌: مه‌فره‌زه‌یه‌كى ئاسایش كه‌ له‌ناو بازاڕ بون بۆ كۆتاییهێنان به‌و شه‌ڕه‌ گه‌شتونه‌ته‌ شوێنى روداوه‌كه‌، له‌وێ له‌لایه‌ن گه‌نجه‌كه‌وه‌ په‌لامار دراون و كارمه‌ندێك به‌ چه‌قۆ بریندار بوه‌.

 

وتیشی: هێرشكه‌ره‌كه‌ ده‌ستگیر كراوه‌ و به‌ فه‌رمانى دادوه‌ر راگیراوه‌.