ده‌نگ نێت

 

‌

سه‌رۆكى شاره‌وانى كه‌لار له‌باره‌ى دروستكردنى پرۆژه‌ له‌سه‌ر پارچه‌ زه‌ویه‌كى گه‌ره‌كى شاره‌وانى كه‌ به‌ (لیوا ره‌شه‌كه‌) ناسراوه‌ رونكردنه‌وه‌ ده‌دات و ده‌ڵێت: هیچ پلانێكیان نیه‌ بۆ ئه‌نجامدانى پرۆژه‌ له‌و شوێنه‌.


 

له‌ماوه‌ى پێشودا ده‌نگۆى ئه‌وه‌ بڵاوكرایه‌وه‌ كه‌ شاره‌وانى كه‌لار، ئه‌و ماڵانه‌ى له‌و جێگایه‌ نیشته‌جێن قه‌ره‌بو ده‌كاته‌وه‌ و زه‌ویه‌كه‌ى ئاماده‌ ده‌كات بۆ ئه‌نجامدانى پرۆژه‌، به‌ڵام سه‌رۆكى شاره‌وانى كه‌لار ئه‌و ده‌نگۆیانه‌ ره‌تده‌كاته‌وه‌.

 

ئه‌كره‌م ساڵح، سه‌رۆكى شاره‌وانى كه‌لار به‌ رادیۆى ده‌نگى راگه‌یاند: ئه‌و ماڵانه‌ى له‌وێن له‌ پاش بومه‌له‌رزه‌كه‌وه‌ مه‌ترسى روخانى خانوه‌كانیان هه‌یه‌ و چاوه‌رێى ئیفرازكردنى زه‌وین بۆ ئه‌وه‌ى قه‌ره‌بویان بكه‌ینه‌وه‌.

 

له‌باره‌ى ئه‌نجامدانى پرۆژه‌ له‌و جێگایه‌ ئاماژه‌ى به‌وه‌كرد: قه‌ره‌بوكردنه‌وه‌ى ئه‌و ماڵانه‌ په‌یوه‌ندى به‌ ئه‌نجامدانى پرۆژه‌وه‌ نیه‌ و هیچ پرۆژه‌یه‌كمان نیه‌ له‌و جێگایه‌ ئه‌نجامى بده‌ین.