دەنگ نێت

 

دو کەس بە تۆمەتی فڕێدانی نارنجۆک بۆ ماڵێک، پاش روبەروبونەوەی ھێزەکانی ئاسایش لە نزیک گوندی کوڵەجۆی سەر بە کفری، دەستگیر کران.

 

سەرچاوەیەکی ئاگادار بە دەنگ نێتی وت: شەوی رابردو نارنجۆکێک فڕێدراوەتە ماڵێکی قەزای کفری، پاش ئەو روداوە ھێزەکانی ئاسایش شوێن دو کەس کەوتون کە گومان دەکرێت ئەنجامدەری روداوەکە بن.

 

رونیشیکردەوە: دو کەسەکە ھەڵھاتون و بەرەو گوندەکانی سەر بە قەزاکە رۆشتون، لە نزیک گوندی کوڵەجۆ بەیەکدادان لەنێوان ھێزەکەی ئاسایش و دو چەکدارەکە دروست بوە.

 

ئاماژەی بەوەشکرد: پاش نزیکەی دو کاتژمێر روبەڕوبونەوە، سەرەنجام توانراوە دو کەسەکە دەستگیر بکرێن.

 

ئاماژەی بەوەشکرد لەئێستادا دو کەسەکە راگیراون و لێکۆڵینەوە لەگەڵیان بەردەوامە.