ده‌نگ نێت

 

ماوەى چوار رۆژە هەردو بەرێوبەرى ده‌روازه‌ى په‌روێزخان و گومرگى گه‌رمیان راگیراون و تا ئێستا دادوه‌ر به‌ كه‌فاله‌ت ئازادى نه‌كردون.

 

به‌ پێی زانیارییه‌كانى رادیۆى ده‌نگ، هه‌ریه‌كه‌ له‌ عه‌لى تۆفیق به‌رێوبه‌رى ده‌روازه‌ى په‌روێزخان و حسێن ئه‌حمه‌د به‌رێوبه‌رى گومرگى گه‌رمیان به‌ بریارى دادوه‌ر و به‌ پێی ماده‌ى194ى گومرگ راگیراون.

 

هه‌ر به‌ پێی زانیارییه‌كان، به‌هۆى ئاماده‌نه‌بونى داواكراوى سێیه‌مى دۆسیه‌كه‌ كه‌ به‌رێوبه‌رى گشتى  گومرگى هه‌رێمه، دادوه‌ر ئاماده‌ نیه‌ به‌ كه‌فاله‌ت ئازادیان بكات.

 

١٩ى ئه‌م مانگه‌ دادگاى قۆره‌تو فه‌رمانى گرتنى بۆ به‌ڕێوبه‌رى ده‌روازه‌ى نێوده‌وڵه‌تى په‌روێزخان و گومركى گه‌رمیان ده‌ر‌كرد و ماوه‌ى چوار رۆژه‌ ئه‌و دو به‌ڕێوبه‌ره‌ راگیراون.