ده‌نگ نێت

 

بۆ پرکرنەوەى ئامارى حزبى به‌شێك له‌ به‌رپرسانى حكومى فشار له‌ فه‌رمانبه‌ران و مامۆستایان  ده‌كه‌ن بچنه‌ كۆمیته‌كان بۆ پركردنه‌وه‌ى فۆرمى ئه‌ندامێتى، و وته‌بێژى مه‌ڵبه‌ندى گه‌رمیانى یه‌كێتیش ده‌ڵێت: ئه‌وه‌ هه‌ڵوێستى یه‌كێتى نیه‌.

 

به‌ پێی زانیارییه‌كانى رادیۆى ده‌نگ، به‌شێك له‌ به‌رێوبه‌رى فه‌رمانگه‌ و به‌رێوبه‌رایه‌تیه‌كانى حكومه‌ت له‌ گه‌رمیان فه‌رمانبه‌ره‌كانیان ئاگادار كردوه‌ته‌وه‌ كه‌ بچنه‌ كۆمیته‌كان و فۆرمى نوێی ئه‌ندامێتى له‌ ریزه‌كانى یه‌كێتى پر بكه‌نه‌وه‌.

 

هه‌ر به‌پێی زانیارییه‌كان: به‌شێك له‌و به‌رێوبه‌رانه‌ كۆبونه‌وه‌یان به‌ سه‌رۆك به‌شه‌كان كردوه‌ و داوایان لێكردون كه‌ خۆیان فه‌رمانبه‌ره‌كانیان بچنه‌ كۆمیته‌ بۆ پركردنه‌وه‌ى فۆرمه‌كه‌ و به‌ پێی ئه‌و سه‌رچاوه‌یه‌ى قسه‌ى بۆ رادیۆى ده‌نگ كردوه‌ به‌ مامۆستایانى وانه‌بێژ وتراوه‌ گه‌ر فۆرمه‌كه‌ پر نه‌كه‌نه‌وه‌ ده‌رده‌كرێن.

 

له‌به‌رامبه‌ردا محه‌مه‌د حه‌مه‌ساڵح وته‌بێژى مه‌ڵبه‌ندى گه‌رمیانى یه‌كێتى به‌ رادیۆى ده‌نگى راگه‌یاند: كه‌ ئه‌وه‌ هه‌ڵوێستى یه‌كێتى نیه‌ و به‌ كارێكى باشى نازانن.