ده‌نگ نێت

 

ئەونەخۆشانەی کەچاندنی گورچیلەیان کردوە لەنەخۆشخانەی گشتی کەلار دەڵێن کێشەو گیروگرفتیان بۆدروستکراوە لەکاتی وەرگرتنی دەرمان و چارەسەرەکانیاندا، بەڕێوبەری تەندروستیش دەڵێت ئەوڕێکارانە نوێیە بۆسودی چارەسەرخوازانە و هیچ گرفتێکمان نیە.

 

بەشێک لەو نەخۆشانەى لە سەنتەرى گورچیلەى کەلار دەرمان و چارەسەر وەردەگرن گلەیی ئەوە دەکەن کە کیشەو گرفتیان بۆ دروست دەکرێت لەکاتی وەرگرتنی چاره‌سه‌ره‌كانیان.

 

سیروان محمد بەڕێوبەری گشتی تەندروستی گەرمیان لەوبارەیەوە بەڕادیۆیی دەنگی ڕاگەیاند: ڕێکارێکی نوێمان گرتۆتەبەر بۆئەو نەخۆشانەی کە چاندی گورچیلەیان کردوە یان سستی گورچیلەیان هەیە.

 

وتیشی بەهۆی ئەوەی لەو سەنتەرەدا هیچ پزیشکێکی تایبەتی گورچیلەمان نیە، نیە ،بۆیە پزیشکێکی پسپۆڕی گورچیلەمان ڕاسپاردوە لەنەخۆشخانەی گشتی کەلار دوای وەرگرتنی دەرمانەکانیان بیان بینێت و ئەمەش بۆ دڵنیابون وسودی نەخۆشەکانە.