دەنگ نێت

 

به‌ پێی وته‌ى ئه‌ندامێكى په‌رله‌مانى كوردستان گه‌نده‌ڵیه‌كى زۆر له‌ گرێبه‌ستى كۆمپانیاكانى ده‌روازه‌كان هه‌یه‌ و ئەندامێكی ئەنجومەنی پارێزگای سلێمانیش ده‌ڵێت ئه‌وه‌ى کراوە بۆ كه‌مكردنه‌وه‌ى داهاتی حکومەت و زیادكردنى داهاتی شەخسه‌.

 

له‌ راپۆرتێكى یه‌كه‌ى چاودێری حکومەتى خۆجێى گەرمیاندا كه‌ له‌باره‌ى مه‌رزى په‌روێزخانه‌وه‌ بڵاوكراوه‌ته‌وه‌ پارله‌مانتار: شیرین ئەمین، ئەوەی خستوتەڕو: "گەندەڵیەکی تەواو لە کاری گرێبەستەکان هەیە، چونکە ناڕونی زۆر هەیە و حکومەتیش ئامادەی وەڵامدانەوە و رونکردنەوەیان نیە".

 

دەشڵێت: بە پێی زانیاریەکان کۆمپانیاکان دەستی حزب و بەرپرسی حزبی لە پشتە بۆیە زانیاریه‌كان لە بارەوە ئاشکرا ناکەن.

 

هاوکات کەریم عه‌لی، ئەندامی ئەنجومەنی پارێزگای سلێمانیش له‌و باره‌یوه‌  وتویه‌تی: ئەوەی سەیرە بە بێ مونافەسە ئەم کارەکان دراوە بەم کۆمپانیایانە، خەڵکیش هەیە بەنرخی کەمتر دەیکات پێی نادرێت، بەمەبەست ئەم کارە کراوە بۆ ئەوەی داهاتی حکومەت کەم بکرێت و داهاتی شەخس زیادبێت.

 

یەکەى چاودێرى حکومەتى خوجێى گەرمیان پرۆژەیەکى هاوبەشى رادیۆى ده‌نگ و رێکخراوى(NED) ئەمریکیە، مانگانە راپۆرتى ورد و بنکۆڵکارى لەسەر پرسێکى گەرمیانەوە بڵاودەکاتەوە.