دەنگ نێت

 

یەکێتی نیشتمانی کوردستان لەسەر زەوی شارەوانی كه‌لار کۆمیتەی پیشەوەرانى دروستكردوه‌ و وته‌بێژى ئه‌و حزبه‌ش ده‌ڵێت بی ئاگایه‌ له‌و بینایه‌.

 

یه‌كێتى نیشتیمانى كۆمیته‌یه‌كى به‌ ناوى كۆمیته‌ى پیشه‌وه‌ران و کاسبکاران له‌ نزیك ناوچه‌ى پیشه‌سازى دروستكردوه‌ كه‌ ئه‌و پارچه‌ زه‌ویه‌ی كۆمیته‌كه‌ى له‌سه‌ر دروستكراوه‌ مۆڵكى شاره‌وانى كه‌لاره‌.

 

رادیۆى ده‌نگ بۆ وه‌رگرتنى زانیارى له‌باره‌ى دروستكردنى بیناى كۆمیته‌ى پیشه‌وه‌رانه‌وه‌ په‌وه‌ندى به‌ محه‌مه‌د حه‌مه‌ساڵح وته‌بێژى مه‌ڵبه‌ندى گه‌رمیانى ئه‌و حزبه‌وه‌ كرد، به‌ڵام ناوبراو بێ ئاگایى خۆى له‌و بابه‌ته‌ ده‌ربرى و وتى : ئاگادارى ورده‌كارى ئه‌و بابه‌ته‌ نیم.

 

هاوكات ئەکرەم ساڵح، سه‌رۆكى شارەوانی کەلار سەبارەت بە دروستکردنی کۆمیتەکەی یەکێتی بە ڕادیۆی دەنگی ڕاگەیاند"بۆ ڕێکخراو و حزبەکان یاساییه‌ و دەتوانین بە کرێ شوێن و زەویان پێ بدەین".