دەنگ نێت

 

سەرۆکی بەرەی تورکمانی ڕایده‌گه‌یه‌نێت، پێشتر کەرکوک ڕێڕەوێک بوو بۆ مادده‌ی هۆشبه‌ر، به‌ڵام ئێستا پارێزگای کەرکوک بووەتە ناوەندێکی بازرگانی مادە هۆشبەرەکان.

 

ئەرشەد ساڵحی، سەرۆکی بەرەی تورکمانی له‌ په‌ره‌ى خۆى له‌ تۆرى كۆمه‌ڵایه‌تى فه‌یسبوك  باسی له‌وه‌كردوه‌، "سه‌رچاوه‌ی هێنانی مادده‌ هۆشبەرەکان بۆ كه‌ركوك لە سلێمانی و هەولێر و کفری و کەلارەوەیه‌".

 

به‌وته‌ی ئه‌رشه‌د ساڵحی، باندێكی تیرۆرستی له‌پشت ئه‌و كاره‌وه‌ن و به‌وشێوه‌یه‌ ژه‌هر ده‌هێننه‌ پارێزگای كه‌ركوك و داوا ده‌كات هێزه‌ ئه‌منییه‌كان هه‌وڵی كۆنتڕۆڵكردنی ئه‌و دۆخه‌ بده‌ن كه‌ بوه‌ته‌ مه‌ترسی بۆسه‌ر كۆمه‌ڵگه‌ و گه‌نجه‌كانی.