ده‌نگ نێت

 

زه‌ینه‌دین زه‌یدانى راهێنه‌رى یانه‌ى ریاڵ مه‌دریدی ئیسپانی، پشتگیریی ناوبژیوانى یاره‌یه‌كه‌ى دوێنێی تیپه‌كه‌ى ده‌كات، به‌ڵام كۆرتواى گۆڵچی هه‌مان یانه‌، ره‌خنه‌ى لێده‌گرێت‌.

 

پاش ئه‌وه‌ى یانه‌ى ریاڵ مه‌ردید له‌ خولی تۆپی پێی ئیسپانی به‌یارمبه‌ر به‌ یانه‌ى "ئێڵچی" یه‌كسان بو به‌ گۆڵێك، زه‌ینه‌دین زه‌یدانى راهێنه‌رى یانه‌ ئیسپانیه‌كه‌، له‌ لێدواێكى رۆژنامه‌وانى دا له‌باره‌ى ناوبژیوانى یاریه‌كه‌وه‌ كه‌ ده‌وترا سزایه‌كى بۆ یانه‌ شاهانه‌ییه‌كه‌ هه‌ژمار نه‌كردوه‌، رایگه‌یاند كه‌ مه‌دام ناوبژیوان وتویه‌تى په‌نارتی نیه‌، كه‌واتا په‌نارتی نیه‌.

 

به‌ڵام بۆچونى تیپۆ كۆرتواى گۆڵچی یانه‌كه‌ى مه‌درید جیاواز بو له‌ راهێنه‌ره‌كه‌ى، به‌ڵكو به‌توندى ره‌خنه‌ى له‌ ناوبژیوانى یاریه‌كه‌ گرت.

 

كۆرۆتوا، ده‌ڵێت: هه‌ندێك ناوبژیوان هه‌یه‌ كه‌ حه‌زده‌كه‌ن به‌ به‌رده‌وامى شاور "فیكه‌" به‌كاربێنن، كه‌چى فاوڵێك به‌رامبه‌ر كه‌ریم بنزیما له‌ناو هێڵی سزاى تیپی به‌رامبه‌ر رویدا، به‌ڵام ناوبژیوان شاوره‌كه‌ى به‌كارنه‌هێنا.

 

وتیشی: "ئه‌گه‌ر تۆ به‌ به‌رده‌وامى شاور به‌كاردێنیت، ئه‌وا ده‌بێت به‌ یه‌كسانى به‌كاری بێنیت".