ده‌نگ نێت

 

كریستیانۆ رۆناڵدۆی ئه‌ستێره‌ى پرتوگالی یانه‌ى یۆڤه‌نتۆس، له‌ ئیماره‌تى دوبه‌ى تابلۆیه‌كى ئۆتۆمبیلی تایبه‌تى پێده‌به‌خشرێت كه‌ هه‌ڵگرى هێماى (CR7)ى تایبه‌ت به‌خۆیه‌تى.

 

سه‌رچاوه‌كانى هه‌واڵ وێنه‌ى ئه‌و تابلۆیه‌یان بڵاوكردوه‌ته‌وه‌ كه‌ له‌لایه‌ن ده‌سه‌ڵاتدارانى ئه‌و ئیماره‌ته‌وه‌ به‌ كریستیانۆ رۆناڵدۆ به‌خشراوه‌ و له‌سه‌رى نوسراوه‌ (CR7) و به‌ته‌نیشتیه‌وه‌ دوبه‌ى نوسراوه‌.

 

رۆناڵدۆ به‌یاوه‌رى خێزانه‌كه‌ى گه‌شتى ئه‌و وڵاته‌ى كردوه‌ به‌مه‌به‌ستى به‌سه‌ربردنى پشوه‌كانى سه‌رى ساڵ.