ده‌نگ نێت

 

برینه‌وه‌ى دار له‌سه‌ر روبارى سیروان به‌رده‌وامه‌ و به‌رێوبه‌رى پۆلیسى دارستانى گه‌رمیانیش ده‌ڵێت لیژنه‌كانیان به‌رده‌وام ده‌گه‌ڕێن و به‌دواداچونه‌كانیان به‌رده‌وامه‌.

 

به‌ پێی ئه‌و وێنانه‌ى له‌ تۆره‌ كۆمه‌ڵایه‌تیه‌كان له‌لایه‌ن چالاكوانانه‌وه‌ بڵاوكراوه‌ته‌وه‌ برینه‌وه‌ى داره‌كانى سه‌ر روبارى سیروان و تێكدانى سروشتى روباره‌كه‌ به‌رده‌وامه‌ و چالاكوانان داواى ئه‌وه‌شیان كردوه‌ كه‌ لایه‌نه‌ په‌یوه‌ندیداره‌كان كۆتایی به‌و دیارده‌یه‌ بهێنن.

 

لایخۆشیه‌وه‌، به‌رێوبه‌رى پۆلیسى پاراستنى دارستان و ژینگه‌ى گه‌رمیان، ئاماژه‌ى به‌وه‌كرد ئه‌وان به‌دواداچون ده‌كه‌ن.

 

شوان محه‌مه‌د، به‌ رادیۆى ده‌نگى وت: به‌رده‌وام به‌دواداچون ده‌كه‌ین سه‌ره‌ڕاى فراوانى سنوره‌كه‌، تائێستاش چه‌ندین كه‌سمان له‌سه‌ر بڕینه‌وه‌ دار ده‌ستگیر كردوه‌.