ده‌نگ نێت 

 

له‌به‌یانى ئه‌مرۆ یه‌كشه‌مه‌وه‌ به‌شێك له‌ زیندانیانى به‌شى گرتن و گواستنه‌وه‌ له‌ كه‌لار مانیان گرتوه‌ و داوا ده‌كه‌ن جیاوازى له‌ نێوان زیندانیه‌كان نه‌كرێت.

 

به‌ پێی زانیارییه‌كانى رادیۆى ده‌نگ، به‌شێكى زیندانیه‌كان مانیانگرتوه‌ و ده‌ڵێن جیاوازى له‌ نێوان زیندانیه‌كاندا ده‌كرێت و زیندانى هه‌یه‌ موبایلى پێیه‌ و داوا ده‌كه‌ن ئه‌مانیش هاوشێوه‌ى ئه‌و زیندانیانه‌ رێگه‌یان پێبدرێت موبایلیان پێ بێت.

 

هه‌ر به‌پێی زانیارییه‌كان: پاش مانگرتنه‌كه‌یان ئه‌و زیندانیانه‌ ئاگریان له‌ زیندانه‌كه‌ كردوه‌ته‌وه‌ و جێگه‌ى خه‌وه‌كانیان سوتاندوه‌.

 

رادیۆى ده‌نگ بۆ وه‌رگرتنى زانیاری زیاتر له‌ باره‌ى روداوه‌كه‌وه‌ په‌یوه‌ندى به‌ عه‌لى جه‌مال، وته‌بێژى پۆلیسى گه‌رمیانه‌وه‌ كرد، به‌ڵام په‌یوه‌ندیه‌كه‌ى بێ وه‌ڵام بو.