ده‌نگ نێت

 

سه‌ردانكرنی گه‌شتیاران بو شوێنه‌ گه‌شتاریه‌كانی سنوری گه‌رمیان له‌مساڵدا به‌ نیوه‌ كه‌میكردوه‌، ئه‌مه‌ش به‌وته‌ى گه‌شتوگوزارى گه‌رمیان.

 

سالار فه‌قێ، جێگرى به‌رێوبه‌رى گشتى گه‌شتوگوزارى گه‌رمیان، به‌ رادیۆى ده‌نگى وت: له‌سه‌ره‌تای ساڵى 2020ـه‌وه‌، 230 هه‌زار گه‌شتیار رویان له‌ ناوچه‌كه‌ كردوه‌.

 

رونیشیكرده‌وه‌: رێژه‌كه‌ به‌ به‌راورد به‌ ساڵی پار به‌ نیوه‌ كه‌مى كردوه‌.

 

كۆرۆنا له‌ دیارترین ئه‌و هۆكارانه‌یه‌ كه‌ بوه‌ته‌ هۆی كه‌مبونه‌وه‌ى ژماره‌ى گه‌شتیارى سنوره‌كه‌، له‌گه‌ڵ ئه‌وه‌شدا سالار فه‌قێ وتى: هاوكات دابه‌زینی نرخی تومه‌نى ئێرانیش رۆڵی هه‌بوه‌ له‌ كه‌مبونه‌وه‌كه‌ به‌وپێیه‌ى پێشتر به‌ ئاستێكى باشتر گه‌شتیاری ئێرانى روى له‌ناوچه‌كه‌ ده‌كرد.