ده‌نگ نێت

 

به‌رێوبه‌رى رێگاوبانى گه‌رمیان ده‌ڵێت ئه‌گه‌ر گرفتى داراى بۆ دروست نه‌بێت نزیكه‌ى چوار مانگه‌ى دیكه‌ رێگاى كه‌لار - كفرى ته‌واو ده‌كرێت و ده‌كرێته‌وه‌.

 

به‌پێی داتاكانى به‌ڕێوبه‌رایه‌تى رێگاوبانى گه‌رمیان، پرۆژه‌ى رێگاى كه‌لار- كفرى، 88%ى كاره‌كانى ته‌واو كراوه‌. مانگى پێشو كۆمپانیای جێبه‌جێكارى پرۆژه‌كه‌ به‌هۆى پێنه‌دانى سولفه‌وه‌ كاره‌كانى راگرت،  ئێستا ئه‌نجومه‌نى وه‌زیران ره‌زامه‌ندى له‌سه‌ر بڕى 10 ملیار دینار داوه‌ بۆ پرۆژه‌كه‌ و بڕیاره‌ له‌ ساڵى نوێوه‌ كاره‌كانى پرۆژه‌كه‌ ده‌ستپیێبكاته‌وه‌. 

 

عه‌دناد خه‌لیل، به‌رێوبه‌رى رێگاوبانى گه‌رمیان، جه‌ختى له‌و زانیاریانه‌ كرده‌وه‌ و به‌ رادیۆى ده‌نگى راگه‌یاند: ئه‌گه‌ر گرفتى دارایی بۆ پرۆژه‌كه‌ دروست نه‌بێت و پرۆژه‌كه‌ له‌ دوای سه‌رى ساڵه‌وه‌ كه‌ وه‌ك بڕیاره‌ ده‌ستپێبكاته‌وه‌، ئه‌وا ماوه‌ى سێ بۆ چوار مانگى دیكه‌ پرۆژه‌كه‌ ته‌واو ده‌كرێت، به‌وپێیه‌ى ته‌نها 12%ى كاره‌كانى ماوه‌.