ده‌نگ نێت

 

هاتوچۆى سلێمانى بریارى ده‌ستبه‌سه‌رداگرتنى ئه‌و ئۆتۆمبێلانه‌ى ده‌ركردوه‌ كه‌ پیى ده‌وترێت (مه‌لیكه)‌، وته‌بێژى هاتوچۆى ئیداره‌ى گه‌رمیانیش ده‌ڵێت: تا ئێستا بڕیارێكى یه‌كلاكه‌ره‌وه‌ له‌و باره‌یه‌وه‌ نه‌دراوه،‌ چونكه‌ ئه‌و ئۆتۆمبێلانه‌ بونه‌ته‌ ئه‌مرى واقع.

 

بەڕێوەبەرایەتی هاتوچۆی سلێمانی بڕیاریداوە، ئەو ئۆتۆمبێلانەی لە جۆری تۆیۆتا مەلیکەن، لە هەر مەفرەزەیەکدا ببینرێت دەستی بەسەردا دەگیرێت، چونكه‌ ئەو ئۆتۆمبێلانە بە "بێ سەرەتا" دادەنرێن و نازانرێت ئەو ئۆتۆمبێلانە لەکوێوە دەهێنرێن.

 

له‌باره‌ى ئه‌و بڕیاره‌ى هاتوچۆى سلێمانیه‌وه‌، وته‌بێژى هاتوچۆى ئیداره‌ى گه‌رمیان، عه‌بدلره‌حمان زه‌هاوى، به‌ رادیۆى ده‌نگى وت: به‌ پێی یاسا ئه‌و ئۆتۆمبێلانه‌ نایاسایین و بێ سه‌ره‌تان، به‌ڵام ئێستا بونه‌ته‌ ئه‌مرى و‌اقع و تا ئێستاش بریارى كۆتایی له‌باره‌ى ئه‌و ئۆتۆمبێلانه‌وه‌ نه‌دراوه‌. 

 

وتیشى: ئه‌و ئۆتۆمبێلانه‌ى پێشتر تۆمار كراون و ژماره‌یان وه‌رگرتوه‌ گرفتیان نیه‌ و هه‌ر بڕیارێك بدرێت ئه‌و ئۆتۆمبێلانه‌ ناگرێته‌وه‌.

 

 

 

لێدوانى ده‌نگى وته‌بێژى هاتوچۆى گه‌رمیان