رادیۆی دەنگ

دوای ئەوەی ژینگەپارێزانی گەرمیان بایکۆتی دەوامیان کرد بەهۆی ئەوەی زیاتر لە ٤ مانگ موچەیان پێنەدراوە، بەڕێوبەری تەندروستی گەرمیان دەڵێت: ۲ موچەیان بۆ خەرجکرا و گەڕانەوە سەر کارەکانیان.

 لەماوەی ٤ مانگی رابردودا کرێکارانی ژینگەپارێز لە نەخۆشخانە حکومییەکانی سنوری گەرمیان، بێبەشکراون لە موچەکانیان، سەرباری چەندین هەوڵ و داواکاریی ئەمڕۆ بۆیان خەرج کرا.

د.حارس محەمەد، بەڕێوبەری گشتی تەندروستی گەرمیان بە وەکالەت، بۆ رادیۆی دەنگ وتی: ئەمڕۆ موچەی دو مانگی ژینگەپارێزان لەلایەن نوسینگەی قوباد تاڵەبانیەوە خەرجکرا.

وتیشی: بەهۆی دەوامنەکردنی ئەو ژینگەپارێزانەوە، نەخۆشخانەکان روبەڕوی کێشەی زۆر بونەوە، بەڵام لەئێستادا خۆشبەختانە گەڕاونەتەوە سەر کارەکانیان و دەستیان بە پاککردنەوەی نەخۆشخانەکان کردوە.