رادیۆی دەنگ

لە قەزای کفری تەنها سێ ئامێری راکێشانی پارە (ATM) دانراوە، مامۆستایەکیش دەڵێت: زۆر کێشەی بۆ دروستکردوین و بەس نییە بۆ موچەخۆران.

بەرزان عومەر، مامۆستا لە قەزای کفری، بۆ رادیۆی دەنگ وتی: لە سنوری قەزای کفری سێ ئامێری ATM بونیان هەیە کە سێ بانکی جیاواز لەخۆ دەگرێت، بەڵام لە یەک شوێندا دانراون.

دەشڵێت: بۆ ناوچەیەکی بەرفراوانی وەک کفری و بەو ژمارە موچەخۆرەی کە هەیەتی، تەنها ئەو ئامێرانە بەس نییە، چونکە قەرەباڵەغییەکی زۆر دروست دەبێت و هەندێکجاریش پارەی تێدا نامێنێت.

وتیشی: چەند جارێک داوامانکردوە لە ئیدارەی شار بۆ دابینکردنی ئامێری دیکە، بەڵام تاوەکو ئێستا هیچ نەکراوە.

ئەمەش لە کاتێکدایە لەسنوری قەزای کفری زیاتر لە ٤ هەزار موچەخۆر بونیان هەیە.