ئەرسەلان ئەحمەد، سەرۆکی شارەوانی رزگاریی، بە رادیۆی دەنگی وت: لە ئێستادا شارەوانی هەڵمەتێكی دەستپێكردوە لە هەمو قەزاكەدا، هەر خانێكی ئاژەڵ و كولانەی پەلەوەر و باخچەیەک كە کرابێتە شوێنی راگرتن و بەخێوکردنی ئاژەڵ، لادەبرێن.

وتیشی: پێشوتر هاوڵاتیان داوایان لێكردین كە باخچە دروستبكەن بۆ زیادبونی رێژەی سەوزایی، ئێمە رەزامەند بوین، بەڵام بینیمان كە خان و كولانەی تێدا دروستدەكرێت، هەربۆیە لایاندەبەین.

هێمای بۆ ئەوەشكرد هەڵمەتەكە ناوەناوە بەردەوامیی دەبێت، هەر خانێکیش لابرا ئەگەر دروستبكرێتەوە، ئەوا کەسەکە دەدرێتە دادگا و ئیجرائاتی لەگەڵدا دەكرێت.