رادیۆی دەنگ

بەپێی ئەو نوسراوانەی دەست رادیۆی دەنگ کەوتوە ٤ پۆستی ئەمنی گەرمیان گۆڕدران کە بریتین لە بەڕێوبەرەکانی (هاتوچۆ، بەرگری شارستانی، دارستان و ژینگە، رەگەزنامە).

 عەقید 'شۆڕش عەلی رەشید'، وەک بەڕێوبەری بەڕێوبەرایەتی هاتوچۆی گەرمیان لەجێگەی عەمید 'موحسین مەنسور' دانرا.

 عەمید 'موحسین مەنسور'، لە جێگەی عەمید 'موفید محەمەد'، بەڕێوبەری بەڕێوبەرایەتی بەرگری شارستانی گەرمیان دانرا.

عەمید 'فایەق باوەنوری' وەک بەڕێوبەری بەڕێوبەرایەتی پۆلیسی دارستان و ژینگەی گەرمیان لەجێگەی عەمید 'شوان محەمەد' دانرا.

عەقید 'هێمن مەحمود سەمەن'، وەک بەڕێوبەری بەڕێوبەرایەتی رەگەزنامەی گەرمیان لەجێگەی عەمید 'محەمەد عەبدوڵڵا' دانرا.