بەشێک لە پرۆژەکانی نیشتەجێبون لە گەرمیان تەواوبون، بەڵام کارەباکانیان لەلایەن حکومەتەوە وەرنەگیراوەتەوە، کارەبای گەرمیانیش دەڵێت: وەرگرتنی سەرەتاییان بۆ کراوە.

پرۆژەکانی نیشتەجێبونی وەک لانەستی، بان ستی، بەهەشتی کەلار، روناکی، کەلاری نوێ و نەوژین ستی، کەناری سیروان، کارەکانیان تەواوبون و هاوڵاتیان تێیدا نیشتەجێبون، بەڵام هەندێک لەو پرۆژانە کارەباکانیان وەرنەگیراونەتەوە.

ئالان ئەرکان، وتەبێژی بەڕێوبەرایەتی گشتی کارەبای گەرمیان بۆ رادیۆی دەنگ باسی لەوەکرد: هەندێک لەو پرۆژانە وەکو بان سیتی، مامۆستایان و نەوژین سیتی، وەرگرتنەوەی سەرەتاییان بۆ کراوە.

دەشڵێت: لیژنەی وەرگرتنەوەی پرۆژەکان هەیە لە فەرمانگەکان، دەبێت ئەو لیژنەیە سەردان بکات دواتر وەرگرتنەوەی تەواوەتیان بۆ بکرێت.

جەختی لەوەشکردەوە: هاوکات هەندێک لەو پرۆژانەش فراوانکردنیان بۆ کراوە، ئەمانە جارێک کارەبایان وەرنەگیراوەتەوە.