بەیانی ئەمڕۆ لیژنەیەکی ئەمنی سەردانی زۆنی ٦ـی سەر روباری سیروانی کردوە و کارەکانی راگرتوە، بەڕێوبەرایەتی گشتی وەبەرهێنانی گەرمیانیش هۆکارەکەی روندەکاتەوە.

هونەر مەحمود، بەڕێوبەری گشتی وەبەرهێنانی گەرمیان بۆ رادیۆی دەنگ وتی: پرۆژەکە میکسەو پێویستە کارەکانی هاوتەریبی یەک تەواو بکرێن، بەڵام وانەبوە بۆیە لیژنەمان ناردوەتە سەری.

وتیشی: ئاگاداری کۆمپانیاکەمان کردوەتەوە کە کارەکانی بەیەکەوە تەواو بکات، چ لە پرۆژەکەی چ لەو بەشەی کۆرنیشەکە کە دەکەوێتە بەر پرۆژەکە.

زۆنی ٦ لەسەر روباری سیروان لەلایەن کۆمپانیای ئاسودەوە جێبەجێ دەکرێت، هاوشێوەی زۆنەکانی دیکە میکسەو پێکدێت لە پرۆژەی نیشتەجێبون و بازرگانی و گەشتیاریی.