رادیۆی دەنگ

تاوەکو ئێستا موچەی مانگی ئایاری مامۆستایانی گرێبەست لە گەرمیان دابەشنەکراوە، بەرپرسێکی پەروەردەی گەرمیانیش دەڵێت: پێمانوتراوە لەم هەفتەیەدا دابەشدەکرێت.

بەپێی وتەی هەندێک لە مامۆستایانی گرێبەست لە گەرمیان کە بۆ رادیۆی دەنگ قسەیان کردوە، تاوەکو ئێستا موچەی مانگی رابردو (ئایاری ٢٠٢٦)ـیان بۆ خەرجنەکراوە، وەکخۆشیان دەڵێن: رون نیە کەی دەست بە دابەشکردنی موچەکانیان دەکرێت.

لە بەرامبەردا، ئەرسەلان پەرۆش، بەرپرسی بەشی راگەیاندنی بەڕێوبەرایەتی گشتی پەروەردەی گەرمیان بۆ رادیۆی دەنگ وتی: بەهۆی ئەوەی موچەی مامۆستایانی گرێبەست لەسەر داهاتی ناوخۆیە، هەندێکجار کۆکردنەوەی ئەو بڕە پارەیە دوادەکەوێت، ئەمەش وادەکات لە کاتی خۆیدا موچەکە دابەشنەکرێت.

وتیشی: ئەوەی پێمان وتراوە لەم هەفتەیەدا دەست بە دابەشکردنی موچەی ئەو مامۆستایانە دەکرێت.