بەڕێوبەری ئاوی کەلار ئاشکرای دەکات دروستکردنی سێیەم پاڵاوگەی ئاو لە تەندەرین دایە، بە دروستکردنیشی بۆ چەندین ساڵ شارەکە سەرباری فراوانبونی زۆری، کێشەی ئاوی نابێت.

موراد جمهور، بەڕێوبەری بەڕێوبەرایەتی ئاوی كەلار، بە رادیۆی دەنگی وت: پاڵاوگەی سێیەمی کەلار، هەمو رێكارەكانی تەواوبوە و لە وەزارەتی شارەوانییە و لە پڕۆسەی تەندەرین دایە.

وتیشی: بە تەواوبونی، هیچ گرفتێكی ئاو لە كەلاردا نامێنێت و بە تەواویی ئاو بۆ تەواوی شارەکە دابین دەكات.

جەختیشیکردەوە: نەک ئێستا، بەڵکو بۆ چەند ساڵی داهاتوش کێشەی ئاو لەقەزاکەدا نابێت، چونکە پاڵاوگەکە دەتوانێت ئاو بۆ پڕۆژە نیشتەجێبونەكان و ئەو زەوییانەش كە دابەشدەکرێن بەسەر فەرمانبەراندا، دابین بکات.

بەوتەی بەڕێوبەری ئاوی کەلار، بڕی بودجەی تەرخانكراوی پڕۆژەكە، ١٥٠ ملیار دینارە.