نه‌بونى ئامێرى ATMـی پێویست له‌ گه‌رمیان، یه‌كێكه‌ له‌و گرفتانه‌ى كه‌ روبه‌ڕوى موچه‌خۆران ده‌بێته‌وه‌ كه‌ بەهۆیەوە له‌کاتی ‌دابەشکردنی موچه‌دا قه‌ره‌باڵەغییە‌كى زۆر دروست ده‌بێت، بانكى گه‌رمیانیش ده‌ڵێت: دانانى ئه‌و ئامێرانه‌ په‌یوه‌ندى به‌ ئێمه‌وه‌ نییە.

ئاريا ئه‌نوه‌ر، به‌ڕێوبه‌رى بانكى گه‌رمیان، بۆ رادیۆى ده‌نگ وتى: دانانى ئامێرى ATM له‌ گه‌رمیان په‌یوه‌ندى به‌ ئێمه‌وه‌ نیه‌ و كاره‌كانى نایه‌ته‌وه‌ لاى ئێمه‌.

ده‌شڵێت: دانانى ئه‌و ئامێرانه‌ له‌لاى كۆمپانیا و پرۆژەی "هه‌ژمارى من" جێبەجێ دەکرێت و ئه‌ركى ئه‌وانه‌ ئامێره‌كان دابنێن و زیادى بكه‌ن.

بەهۆی کەمی ژمارەی ئامێرەکانی راکێشانی پارە ATM، لەکاتی دابەشکردنی موچەدا قەرەباڵەغییەکی زۆر دروستدەبێت، ئەمەش تەنانەت قەرەباڵەغی و ئاستەنگ بۆ ئەو شەقامانەش دروستدەکات کە نزیکن لە ئامێرەکانەوە.