رادیۆی دەنگ

دوای ئەوەی رادیۆی دەنگ بڵاویکردەوە بە‌ رێژه‌یه‌كى به‌رچاو ئاستى ئاوى پۆندى گۆبان له‌ قه‌زاى كه‌لار دابه‌زیوه‌، بەڕێوبەری ئاودێرى گه‌رمیان ده‌ڵێت: ئه‌و پۆنده‌ بۆ کۆگاکردنی ئاو نییە.

موئه‌یه‌د ئه‌حمه‌د، به‌ڕێوبه‌رى به‌ڕێوبه‌رایه‌تى ئاودێریی گه‌رمیان، بۆ رادیۆى ده‌نگ باسى له‌وه‌كرد: پۆندى گۆبان پۆندى کۆگاکردنی "خه‌زنكردنى" ئاو نییە، به‌ڵكو بۆ پاراوكردنى ئاوى ژێرزه‌وییه‌، به‌ جۆرێك ساڵانه‌ چه‌ندجارێك ئاو كۆده‌كاته‌وه‌ و دواتر ده‌ڕواته‌وه‌ بۆ ژێرزه‌وى.

وتیشى: ئه‌م پۆنده‌ بۆ نه‌هێشتنى مه‌ترسى لافاوه‌ له‌سه‌ر شاره‌كان، هاوكات ئه‌و ئاوه‌ى كۆى ده‌كاته‌وه‌ بۆ زیادکردنی کۆگای ئاوی ژێرزەوی بەکاردێت.

جه‌ختى له‌وه‌شكرده‌وه‌: پلانى ئه‌وه‌مان هه‌یه‌ 2 پرۆژه‌ى دیكه‌ى له‌وشێوه‌یه‌ و له‌سه‌ر چه‌مه‌ وه‌رزییه‌كان ئه‌نجام بده‌ین.