رادیۆی دەنگ

ماوەی ٦ مانگە دەرچەی بەردانەوەی ئاوی بەنداوی باوەشاسوار لە كفری بە قوڕ و لیتە گیراوە، ئەمەش مەترسی لەسەر كشتوكاڵی قەزاكە دروستكردوە، بەڕێوبەری بەنداوەكەش دەڵێت: لە هەودڵداین بۆ چارەسەكردنی.

خەلدون عەبدولكەریم، بەڕێوبەری بەنداوی باوەشاسوار، بۆ رادیۆی دەنگ جەختی لەوەكردەوە كە دەرچەی بەنداوەكە بە قوڕ و لیتە داپۆشراوە. وتیشی:  بەڵام نەمانتوانیوە پاكیبكەینەوە، چونكە ئامێرێكی پێویستە كە لە كوردستاندا نیە و نرخەكەشی زۆرە، هەربۆیە لە هەوڵداین لەگەل لایەنانی پەیوەندیدارەکان و بەڕێوبەرایەتی گشتی بەنداوەكانی هەرێم، گرفتەكە چارەسەر بكەین.

وتیشی: چارەسەرێكی كاتیمان بۆ كردوە كە ئێستا ئاو دەڕوات بۆ كشتوكاڵی جوتیاران، بەڵام وەك پێشوتر نیە.

بەنداوی باوەشاسوا لە قەزای كفری، گەورەترین بەنداوە لە گەرمیان و توانای گلدانەوەی ٦ ملیۆن مەتر سێجا ئاوی هەیە.