د. ئاریان ئیبراهیم، بەڕێوبەری بەڕێوبەرایەتی ڤێتێرنەریی گەرمیان بە رادیۆی دەنگی وت: بە بەردەوامی چاودێریمان بەسەر كوشتارگەكانەوە هەیە و لە ئێستاشدا بەهۆی نزیكبونەوەی جەژنی قوربان و بۆ خۆپاراستن لە نەخۆشی تای خوێنبەربون، چاودێرییەكانمان چڕ كردوەتەوە.

وتیشی: كوشتارگەكانی قەزاكانی كەلار و رزگاریی و كفری دەرمانی پاكژكەرەوەیان پێدراوە بۆ پاككردنەوەی هۆڵەكانیان.

ئاماژەی بەوەشكرد بۆ بەشێك لە ئاژەڵەكانیش كە لە دەرەوە هاتبون، دەرزی ژێر پێست و شۆردنەوەیان بۆ کراوە، بەمپێیەش هیچ مەترسییەك نییە و هەمو رێكارێکی خۆپارێزیی گیراوەتەبەر.