رادیۆی دەنگ
بۆ ماوەی ٢ مانگە لیژنەیەکی تایبەت لە وەزارەتی خوێندنی باڵای عێراقەوە سەردانی زانکۆی پۆلەتەکنیکی گەرمیانی کردوە بەمەبەستی دانپێدانان بە زانکۆکە، بەڵام تاوەکو ئێستا هیچ وەڵامێک نەهاتوەتەوە، سەرۆکی زانکۆکەش دەڵێت: چاوەڕوانین.
د.چیا محەمەد، سەرۆکی زانکۆی پۆلەتەکنیکی گەرمیان، بۆ رادیۆی دەنگ باسی لەوەکرد: پرۆسەی داننان بە زانکۆکەمان لەلایەن حکومەتی عێراقییەوە، هەمو رێکارە ئیداری و یاساییەکانی بڕیوە و راپۆرتی تایبەت لەسەر زانکۆکەمان نوسراوە و ئاراستەی وەزارەتی خوێندنی باڵای عێراق کراوە لەلایەن ئەو لیژنەیەی سەردانی کردین.
وتیشی: راپۆرتەکە گەشتوەتە وەزارەت و ئێمەش چاوەڕوانی پەسەندکردنی راپۆرتەکەین لەلایەن خوێندنی باڵای عێراقەوە.
هەردو زانکۆکەی گەرمیان تائێستا لەلایەن حکومەتی عێراقییەوە دانیان پێدا نەنراوە. لەکاتێکدا زانکۆی گەرمیان کێشەی ئەوەی هەیە کە لە پارێزگای دیکە (خانەقین/ دیالە) کۆلێجی هەیە و بەوهۆیەوە دانپێدانانی راگیراوە، بەڵام زانکۆی پۆلەتەکنیکی گەرمیان ئەو کێشەیەی نییە و تەنها لە سێ قەزاکەی ئیدارەی گەرمیان کۆلێجی هەیە.
- دوایین بابەتەکان
-
هەواڵوەبەرهێنانی گەرمیان رونکردنەوە دەدات لەبارەی مەرجی سودمەندنەبون بۆ وەرگرتنی زەوی
-
-
هەواڵژمارەیەک لە خاوەن دەرمانخانەکانی کەلار دەستگیردەکرێن
-
-
هەواڵبەڕێوبەرایەتی ئاوی کەلار لەسەر کێشەی لاوازیی تۆڕی ئاوی گەڕەکی گۆران رونکردنەوە دەدات
-
-
هەواڵ٦ کەس لەسەر روداوی کوشتن و بریندارکردنی ٢ هاوڵاتی لە بازاڕی کەلار دەستگیرکراون
-
-
هەواڵچارەنوسی دروستکردنی پارکە خێزانیەکەی کەلار بەناڕونی ماوەتەوە
-
