رادیۆی دەنگ

كاركردن لە دو زۆنەكەی قەزای کەلار لە چوارچێوەی پڕۆژەی روناكییدا بەردەوامی هەیە، بەڕێوبەری كارەبای سنورەكەش دەڵێت: لەم مانگەدا كارەكانی تەواودەبێت.

لە سەرەتای مانگی رابردوەوە، پڕۆژەی روناكی لە گەرمیان چوە بواری جێبەجێكردنەوە و سەرەتاش بە چێککردنەوە و چاکسازی لە بگۆڕ و هێڵ و ژێرخانی کارەبای سنورەکە دەستیپێکرد، بۆ ئەوەی دواتر دەست بە پرۆژەکە بکرێت. بۆ ئەم مەبەستەش گەرمیان کرایە ٥ زۆنەوە.

حازم كەریم، بەڕێوبەری گشتی گشتی كارەبای گەرمیان، بە رادیۆی دەنگی وت: قەزای کەلار کرابویە دو زۆن، كاركردن لە هەردو زۆنەكە بەردەوامی هەیە و لەم مانگەدا (ئایاری ٢٠٢٦) كارەكانی تەواودەبێت.

وتیشی: لە دوای تەواوبونی ئەو دو زۆنە، دەستدەكرێت بە كاركردن لە زۆنی سێدا كە قەزای رزگاریی دەگرێتەوە.