رادیۆی دەنگ

له‌ قه‌زاى رزگاریی، ده‌ستكراوه‌ به‌ ئاماده‌كاریی بۆ دروستكردنى دارستانێكى ده‌ستكرد له‌سه‌ر روبه‌رى 12 دۆنم زه‌وی، ئەمەش بەوتەی سەرۆکی شارەوانی رزگاریی.

ئه‌رسه‌لان ئه‌حمه‌د، سه‌رۆكى شاره‌وانى  رزگاریی، بۆ رادیۆى ده‌نگ باسى له‌وه‌كرد: له‌ سه‌ر روبه‌رى 12 دۆنم زەوی لە گەڕەکی نەورۆز، ده‌ستمان به‌ ئاماده‌كارییه‌كان كردوه‌ بۆ دروستكردنى دارستانێكى ده‌ستكرد كه‌ له‌ 2 به‌ش پێكهاتوه‌، له‌ئێستادا سه‌رقاڵى چاكردن و رێككردنه‌وه‌ى زه‌وییه‌كه‌ین.

ده‌شڵێت: كه‌ رێكکردنه‌وه‌کە ته‌واو بو، له‌ قۆناغى داهاتودا ده‌ست به‌ چاندنى نه‌مامه‌كان ده‌كه‌ین، تاوه‌كو ئێستاش رون نیه‌ چه‌ند نه‌مامى تێدا ده‌چێنرێت.