رادیۆی دەنگ

دوای بڵاوبونەوەی دەنگۆی دەستبەرداگرتنی ئۆتۆمبێلە بێسەرەتاکان، بەڕێوبەرایەتی هاتوچۆی گەرمیان دەستبەسەرگرتنیان رەتدەکاتتەوە و جەختیش لەوە دەکاتەوە لە حاڵەتی ئەنجامدانی سەرپێچی وەك هەمیشە سزادەدرێن.

سامان عەلی، وتەبێژی بەڕێوبەرایەتی هاتوچۆی گەرمیان، بە رادیۆی دەنگ وتی: ئێمە لیژنەی ئەمنیمان هەیەو لیژنەكەش تا ئێستا هیچ بڕیارێكیان نەداوە بۆ دەستبەسەرداگرتنی ئۆتۆمبێلی بێ سەرەتا و هیچ هەڵمەتێكیش نیە بۆ ئەو مەبەستە.

دەشڵێت: بەڵام لە حاڵەتی ئەنجامدانی سەرپێچی سزادەدرێن وەك هەمیشە.

ئۆتۆمبێلە بێسەرەتاکان ئەو ئۆتۆمبێلانەن کە ساڵانەیان نییە و تابلۆیان بۆ نەکراوە لەلایەن هاتوچۆوە. ئەمانە لە خواروی عێراقەوە داخلی هەرێمی کوردستان بون و پێکدێن لە جۆرەکانی: ساغ، بڕاوە و موس "سەقف بڕاوە". ساغەکانیان بەوهۆیەی مۆدێلیان کۆنە، ژمارە و ساڵانەیان پێنادرێت، بڕاوە و سەقف بڕاوەکانیش بەهۆی ئەوەی بەپێی یاسا رێگەپێدراو نین، ئەوانیش ژمارە و ساڵانەیان پێنادرێت.

 بەپێی ئامارە نافەرمییەکان، زیاتر لە ١٠٠ هەزار ئۆتۆمبێلی لەمجۆرانە لە هەرێمدا هەن.